Tres de tres, non podían comenzar mellor os infantiles, con 3 victorias noutros tantos partidos.
Nesta terceira xornada recibíamos ó belvís en Loxo, e despois dun mal partido, o peor do que levamos de liga, rematamos gañando por 4-3.
Como dicíamos, foi o peor encontro dos nosos infantiles no que vai de liga, pois estivemos moi espesos en ataque, con pouca posesión de balón e elexindo sempre a peor opción; e en defensa tamén mal, co equipo mal posicionado e demasiado ríxido, sen saber como contrarestar as embestidas dos visitantes, que utilizaban un xogo excesivamente directo, buscando a velocidade do seu habilidoso punta.
En fin o mellor do partido o resultado, pois logo de ir gañando todo o partido, á falta de 10 minutos anotamos o 3-1, pero nada máis sacar de centro, encaixamos o 3-2, e de seguido o 3-3, en dúas xogadas que evidenciaban a escasa concentración dos nosos xogadores, pero xa no tempo engadido e cando o partido agonizaba, apareceu manuel para resolver o partido.
Esperemos que se aprenda dos erros cometidos e no próximo encontro se volva a sumar de tres.
Outros resultados:
- Cidade de Santiago B 0 - Amio 4.
- Cia. de maría 5 - Melide 2.
- E.F. Lalín ( descansa)
No hay comentarios:
Publicar un comentario